12 mijë bimë narkotike kanabis sativa janë asgjesuar në Qarkun Shkodër në kuadër të operacionit të koduar Fly. Në operacion u angazhuan rreth 600 forca policore mes tyre FNSH dhe RENEA.  Problem deri tani për policinë mbetet identifikimi i pronarëve të këtyre parcelave, teksa operacionet finalizohen vetëm me prangosjen e rojeve dhe kultivueseve.

SYRI TV

Kryeqendra e veriut ka qenë nën sitën e vëzhgimeve dhe kontrolleve nga ana e policisë duke asgjësuar kështu mijra fidanë e rrënjë kanabisi të kultivuara kryesisht në zonat e thella malore të Dukagjinit e Malesisë Pukë Mirditë.

Në operacionin e fundit u sekuestruan 12 831 bimë narkotike bimë narkotike kanabis sativa, teksa në operacion u angazhuan rreth 600 efektivë të Policisë së Shkodrë, Forcave Renea dhe FNSH të Tiranës dhe Fierit, teksa pati edhe ndërhyrje nga ajri me helicopter.

Bimët e kultivuara ishin në një terren shumë të thellë malor dhe me rrezikshmëri të lartë për jetën e punonjësve të Policisë.  Nga këto zona të thella, Policia asgjësoi nëpërmjet djegies, 2220 bimë narkotike cannabis sativa.

Në Mnelë, Shllak, Temal, Kir Ana e Malit etj, u  asgjësuan 10 611 bimë narkotike cannabis sativa.

Që nga janari janë identifikuar 202 autorë, nga të cilët 111 të arrestuar ndërsa pjesa tjetër mbeten ende të pazbarshur, shumica e kultivuesve janë persona me precedent dhe të shkuar kriminale. Ndërkohë ka pak të dhëna për bosët e këtyre parecelave të drogës.