Si në Ksamil, edhe në Durrës dy pushues të huaj kanë kërkuar ndihmë nga policia pasi po rrezikonin të fundoseshin me Jet Skinë e tyre, për shkak se mjeti pësoi defekt dhe rryma e largoi në thellësi.

Kësisoj, Njësia Policore Detare me 2 mjete lundruese iu shkoi në ndihmë.

Ngjarja ndodhi pasditen e së martës, kur gjatë patrullimeve në det Njësia Policore Detare konstatoi në afërsi të gjirit të Durrësit, 2 persona që kërkonin ndihmë sepse mjeti i tyre lundrues Jet Ski kishte pësuar defekt. Policia i ka tërhequr në breg në gjendje të mirë shëndetësore bashkë me mjetin e tyre.