Një aksident tragjik ka ndodhur në aksin Elbasan-Peqin në zonën e Pajovës mes një makina me targa shqiptare dhe një tjetre me targa maqedonase.
Sipas burimeve për SYRI-n, raportohet se një fëmijë 8 vjeçar ka vdekur dhe janë 4 persona të plagosur të cilët janë dërguar në spital.
Fëmija e vdekur është një vajzë e cila ka qënë në makinën me targa maqedonase.
Deri tani shkak i këtij aksidenti mendohet të ketë qënë lagështia në rrugë dhe shpejtësia e madhe.
Elbasan/ Informacion paraprak
Rreth orës 16:30, në aksin rrugor Elbasan-Peqin, në fshatin Paulesh, shtetasja T. B., duke drejtuar automjetin tip "Golf", është përplasur me automjetin me drejtues shtetasin A. H., banues në Kavajë.
Si pasojë e aksidentit ka ndërruar jetë një shtetase e mitur 8 vjeçe, pasagjere në automjetin me drejtuese shtetasen T. B.
Gjithashtu, janë dëmtuar shtetasja T. B. dhe vajza e saj 11 vjeçe, të cilat ndodhen jashtë rrezikut për jetën.
Janë dërguar në spital, për ndihmë mjekësore, edhe shtetasi A. H. dhe 2 pasagjerët që udhëtonin me të, të cilët aktualisht ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të aksidentit.