Aksident me vdekje në Dibër.
Raportohet se një makinë ka dalë nga rruga dhe është batuar disa metra duke përfunduar buzë përroit, ndërsa një 20-vjeçar ka humbur jetën.
Ngjarja ka ndodhur në fshatin Melan, disa metra në afërsi të rrugës nacionale.
Në momentin e aksidentit në makinë kanë qenë dy persona, ndërsa viktimë ka mbetur pasagjeri A.S., 20 vjeç.
Makina tip "Golf" drejtohej nga 18-vjeçari R.K.
Policia ka ndaluar drejtuesin e mjetit, i cili nuk ka pësuar dëmtime.
Njoftimi i policisë
Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip "Golf", ka humbur kontrollin mbi drejtimin e mjetit dhe mjeti ka dalë nga rruga.
Si pasoje e aksidentit ka humbur jetën pasagjeri shtetasi A.S., 20 vjeç.
Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
© SYRI.net