Një automjet është përfshirë nga flakët në orët e para te mëngjesit të sotëm në Shkodër. Mësohet se ngjarja ka ndodhur në lagjen “Manush Alimani”, ku dyshohet se makina është djegur aksidentalisht për shkak të një defekti teknik.

Sipas policisë, makina është në pronësi të shtetasit R.B.

“Rreth orës 03:50, në lagjen “Manush Alimani”, dyshohet se është djegur aksidentalisht, për shkak të një defekti teknik, një automjet në pronësi të shtetasit R. B., 67 vjeç. Grupi hetimor vijon punën për zbardhjen e plotë të rrethanave të kësaj ngjarjeje.”, thuhet në njoftimin e policisë.