Një 50 vjeçar shqiptar që leu me benzinë ish-bashkëshorten e tij duke kërcënuar se do ta digjte dhe më pas kërcënoi se do t’i vinte flakën vetes në sheshin qendror të Larisës, natën e ndërrimit të viteve lihet në burg.
Sipas medieve greke shqiptari gjatë dëshmisë ka mohuar akuzën për vrasje të mbetur në tentativë duke u shprehur:
'Nuk kam dashur të dëmtoj askënd, madje as veten time', duke shtuar se donte të tërhiqte vëmëndjen e ish-bashkëshortes, e cila duket se e ka injoruar dhe nuk i përgjigjet kërkesave të tij, për të takuar fëmijën e tyre, pretendim që nuk bindi as prokurorin dhe as hetuesin, të cilët vendosën ta arrestojnë.
50-vjeçari që punon herë pas here në ndërtim, pasditen e së premtes sipas policisë greke po priste në hollin e pallatit ish-bashkëshorten, 41-vjeç.
Teksa ajo ishte duke parkuar makinën në të cilën udhëtonte dhe djali i tyre 17-vjeçar, ai i ka hedhur benzinë ish-bashkëshortes dhe makinës së saj duke e kërcënuar se do t'i vërë flakën.
Djali i tyre 17-vjeçar ka qenë ai që ka reaguar me qetësi dhe sipas asaj që u raportohet e ka mbajtur të atin, ndërsa nëna e tij ka arritur të ikë dhe të telefonojë policinë.
Më pas 50-vjeçari ka shkuar me biçikletë në sheshin qendror në Larisa dhe pasi është lyer me benzinë ka kërcënuar se do të digjte veten.
Pas dëshmisë atij i është caktuar masa e paraburgimit.
50-vjeçari është dënuar në gjykatën e shkallës së parë dhe më parë për trafikim të lëndëve narkotike dhe nisur nga kjo i është ndaluar dhe dalja jashtë vendit.
© SYRI.net