Një tjetër moment nga dhuna barbare e ushtruar nga policia ndaj banorëve të ‘5 Majit’ është kapur me dron nga SYRI.
Nga pamjet dallohen 11 policë, të cilët hipin në çatinë e banesës që do prishnin dhe arrestojnë dhunshëm banorin, i cili po protestonte për të drejtat e tij.
Kujtojmë se Bashkia e Tiranës nxori sot në qiell të hapur dhjetëra familje te lagjja '5 maji' në kryeqytet.
Banesat e tyre u shembën për t'i hapur rrugë projektit të kullave.
Fati i banorëve, mes tyre edhe të moshuar e fëmijë është i trishtë e i panjohur.
Këtë dimër ata do ta kalojnë pa një çati mbi kokë dhe situata bëhet edhe më alarmante kur jemi në pikun e dimrit.
© SYRI.net