Shefi i Sigurisë Rrugore, Skënder Ismaili, në një intervistë në Syri Tv tha se faktor për aksidentet rrugore kryesisht janë shkeljet e shoferëve, shpejtësia dhe përdorimi në gjendje të dehur i makinës.
Ismaili shtoi se masat e marra kanë dhënë efekt, ndërsa bëri të ditur se do të nisë një aksion i Policisë për kontrollin e makinave luksoze në të gjithë vendin.
Shpejtësia dhe alkooli duket se janë dy nga faktorët më të shpeshtë të aksidenteve në vend kjo sipas shefit të Sigurisë Rrugore në Policinë e Shtetit Skënder Ismaili.
Ky i fundit në një intervistë për Syri Televizion, tha se masat e marra kanë dhënë efekt, ndërsa shton se sjellja njerëzore i vështirëson punën efektivëve të policisë.
Pas aksidentit me 4 viktima në Vlorë, trendi i aksidenteve ka qenë në rënie, ndërsa policia rrugore ka bërë edhe këqyrje të rrjeteve sociale për identifikimin e individëve që bëjnë shfaqje me shpejtësinë dhe makina luksoze.
Ismali tregoi edhe akset më problematike.
Gjithashtu, përgjatë ditëve në vijim policia do të ndërmarr një aksion për kontrollin e makinave luksoze në të gjithë vendin.
Përgjatë vitit 2021 kanë ndodhur 772 aksidente me 100 humbje jete dhe 113 persona të tjerë të plagosur rëndë.
© SYRI.net