Një vrasje me armë zjarri e ndodhur mbrëmë ka tronditur sërish qytetin e Elbasanit. Viktimë e atentatit ishte shtetasi Everest Çeka, ndërsa u plagos edhe bashkëshortja e tij.
BW raporton se Çeka, pak para se të ndodhte vrasja, kishte marrë gruan nga puna. Pasi kanë drekuar së bashku, çifti janë nisur nga shtëpia e tyre që e kane pas gjykatës së vjetër në Elbasan dhe kanë ikur te shtëpia e prindërve të Silvanës.
Sapo kanë dalë në rrugicë, 50 metra nga shtëpia e vjehrrit, makina tip Benz e autorëve i ka goditur nga mbrapa.
Everesti ka ndaluar dhe aty është afruar një person i veshur me të zeza dhe e ka qëlluar.
Gruaja e tij Silvana punon në një institucion shtetëror, kurse Everesti kishte një muaj që ishte kthyer nga Spanja.
Kujtojmë se dy ditë më parë në Vlorë u ekzekutua Bledar Birçaj, i kthyer po ashtu nga Spanja.
© SYRI.net