Zbardhen detaje të reja nga atentati me armë zjarri ndaj biznesmenit të njohur në Lezhë. Aleksandër Deda. Syri.net mëson se janë shoqëruar në polici disa persona, që dyshohet se mund të kenë dijeni për ngjarjen, ndërsa pritet dëshmia e të plagosurit, që mund të jetë kyçe për zbardhjen e ngjarjes dhe kapjen e autorëve.

Ende mbeten te pa qarta rrethanat e atentatit me arme zjarri, ndersa policia ka mbledhur disa prova materiale tek makina qe u gjet e djegur ne fshatin Pllane te Lezhes e cila u perdor nga autoret per te kryer atentatin.

Alkesandër Deda, gjatë udhëtimit me makinën e tij, është përballur me një breshëri plumbash që vinin nga një automjet tip “Audi”, nga ku edhe ka marrë plagë në gjoks.

Menjëherë është kthyer duke ju drejtuar Spitalit të Lezhës dhe gjatë udhëtimit, një automjet tjetër i është vënë në ndjekje.

I plagosur ai ka mundur të përshkojë distancën afro 15 km deri afër spitalit, kohë ku edhe ka humbur sasi të madhe gjaku. Pas mjekimit që ka marrë nga bluzat e bardha të Lezhës, ai është dërguar menjëherë për në Spitalin e Traumës, ku edhe ndodhet jashtë rrezikut për jetën.