Vijon të rritet numri i viktimave në Shqipëri nga koronavirusi. Ministria e Shëndetësisë ka bërë të ditur se edhe 3 persona të tjerë të prekur me Covid-19 kanë ndërruar jetë.
Ndërkohë, në 24 orët e fundit është shënuar rritje edhe te rastet e reja, pasi janë konfirmuar pozitivë me koronavirus edhe 99 persona.
"Situata paraqitet serioze në Spitalin Infektiv, ku në 24 orët e fundit ka humbur jetën një 44 vjeçare nga Tirana, prej 10 ditësh e intubuar dhe pa sëmundje bashkëshoqëruese, perveç obezitetit.
Nuk e kanë fituar betejën edhe dy qytetarë, një 64 vjeçar nga Tirana dhe një 65 vjeçare nga Vlora me sëmundje bashkëshoqëruese.
Ministria e Shëndetësisë dhe Mbrojtjes Sociale i shpreh ngushëllimet familjarëve të të ndjerëve," deklaroi MSH.
Numri i viktimave shkon në 104 (Qarku Tiranë 54, Shkodër 17, Durrës 16, Fier 5, Elbasan 5, Vlorë 3, Kukës 1, Lezhë 1, Berat 1, Dibër 1) .
© SYRI.net