Arrestohet 22 vjeçari në Tiranë/ Shpërndanin kanabis, në kërkim bashkëpunëtori

Arrestohet 22 vjeçari në Tiranë/ Shpërndanin kanabis, në kërkim bashkëpunëtori

17:34, 17/06/2020

Një 22- vjeçar me inicialet R.M është arrestuar në flagrancë në rrugën “Kongresi i Tiranës” ku posedonte dhe shpërndante lëndën narkotike, si dhe është shpallur në kërkim policor një shtetas tjetër me inicialet D.G, 31-vjeç.

Gjatë kontrollit, shërbimet e Policisë gjetën dhe sekuestruan 141 doza me lëndë narkotike cannabis sativa.

‘Finalizohet një tjetër operacion policor për goditjen e veprimtarisë kriminale të shpërndarjes së lëndëve narkotike në doza të vogla.

Operacioni nga Komisariati i Policisë Nr. 3, në bashkëpunim me Seksionin për Hetimin e Narkotikëve në DVP Tiranë. Arrestohet në flagrancë një 22-vjeçar që posedonte dhe shpërndante lëndën nákotike, si dhe shpallet në kërkim policor një shtetas tjetër.

Sekuestrohen në cilësinë e provës materiale 141 doza me lëndë narkotike cannabis sativa dhe sende të tjera.

Shërbimet e Komisariatit të Policisë Nr. 3, në bashkëpunim me Seksionin për Hetimin e Narkotikëve në DVP Tiranë, në bazë të informacioneve të marra në rrugë operative se dy shtetas merreshin me shpërndarjen në doza të vogla të lëndës narkotike të llojit cannabis sativa, në rrugën “Kongresi i Tiranës”, kanë organizuar dhe finalizuar operacionin policor antidrogë, në kuadër të të cilit u bë kapja dhe arrestimi në flagrancë i shtetasit R. M., 22 vjeç, si dhe u shpall në kërkim policor shtetasi D. G., 31 vjeç, të dy banues në Tiranë.

Nga informacionet e marra dhe veprimet e para hetimore rezultoi se shtetasi D. G. merrej me shpërndarje të lëndës narkotike të llojit cannabis sativa, në rrugën “Kongresi i Tiranës” dhe në aktivitetin e tij kriminal ndihmohej nga shtetasi R. M.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e lëndëve nárkotike”, në ngarkim të shtetasve R. M. dhe D. G.

 

© SYRI.net

Lexo edhe:

Tags

Komentet

Shto koment

Denonco