Një aksident i rëndë ka ndodhur ditën e sotme në qytetin e Lezhës.
Një automjet tip “Benz” me targa AA097 ZM është përmbysur në rrugën kryesore në qendër të qytetit.
Mësohet se makina drejtohej nga një grua, e cila udhëtonte bashkë me dy fëmijët e saj, të cilët janë dërguar në spital.
Shkak i këtij aksidenti mendohet të jetë bërë pakujdesia e drejtueses së automjetit.
Në pjesën e pasme të makinës ishte vendosur tabela “shofere e re”.
Të dhëna paraprake bëjnë me dije se tre personat janë jashtë rrezikut për jetën.
Nga përplasja janë dëmtuar edhe disa automjete të parkuara.
© SYRI.net