Nga sot në orën 06:00 të mëngjesit kanë hyrë në fuqi masat e vendosura nga qeveria për parandalimin e përhapjes së koronavirusit.

Një ndër masat është edhe ndalimi i lëvizjes së automjeteve duke përjashtuar vetëm ato të shërbimeve. Gjithashtu janë shtuar patrullat e policisë për të kontrolluar makinat që lëvizin nëse kanë marrë leje në polici apo jo.

Më poshtë mund të shihni dhe disa nga rrugët kryesore të Tiranës të cilat janë të zbrazura totalisht nga qytetarët, që derimë tani duket se kanë rënë dakord me masat shtrënguese të qeverisë.