Një shqiptar 38 vjeçar, është arrestuar nga policia italiane, menjëherë pasi zbarkoi nga trageti Durrës-Ankona, ku me vete iu gjetën 16 kg heroinë.

Lënda narkotike mësohet se u zbulua më 16 janar, ndërkohë që lajmi u bë i ditur vetëm ditën e sotme

Edhe pse droga ishte fshehur në një kamion, lënda narkotike duket se nuk i ka shpëtuar dot qenve të antidrogës në Ankona.

Këta të fundit bënë zbulimin, kurse burri nga Shqipëria nuk diti as të përgjigjet për ngarkesën që iu gjet.

Media italiane “Ansa” shkruan se shqiptari u la në “arrest me burg” këtë mëngjes në qelitë e Montacuto.

Heroina ishte fshehur në disa qoshe të automjetit.

Hetuesit italianë janë duke hetuar se nga nisej shqiptari, ku shkonte dhe çfarë lidhjesh kishte ai.