Janë arrestuar katër persona nga policia Italiane si pjesë e një operacioni që synonte goditjen e një bande hajdutësh banesash.
Mes të arrestuarve, identiteti i të cilëve nuk bëhet i ditur, ishin një shqiptarë, dy italianë dhe një ukrainas.
Sipas mediave italiane, grupi prej katër personash shtireshin si teknikë, ose si agjentë shitjesh për të hyrë më thjesht në shtëpitë e viktimave, e më pas vidhnin bizhuteri dhe para.
Zona në të cilën ata operonin ishte midis Torinos dhe Genovas. Objektivi ishin gratë e moshuara të cilat jetonin vetëm.
Totali i vjedhjeve të kryera prej tyre besohet të jetë rreth 30.
© SYRI.net