Këto janë pamje nga vendi i vrasjes së Edison Harizajt, që njihet si miku i Emiljano Shullazit dhe plagosjes së rëndë të Genci Cacës, dy vlonjatët që iu bë atentat mbrëmjen e djeshme në Durrës.
Siç edhe duket në foto, atentatorët kishin zgjedhur një vend ku makina ulte shpejtësinë dhe që nuk ishte i ndriçuar.
Në atentat mbeti i vdekur në vend 39-vjeçarin Edison Harizaj, ndërsa ndodhet në vdekje klinike Genci Caca.
Dy vlonjatët po udhëtonin nga Tirana në drejtim të Kavajës, kur makina e tyre ‘Audi’ është goditur me breshëri plumbash.
Më pas atentatorët janë larguar me shpejtësi me një makinë që e kanë djegur në Shën Vlash në periferi të Durrësit, duke humbur gjurmët.
Deklarata paraprake e Policisë së Durrësit:
Më datë 06.11.2018, rreth orës 22:50 ,në lagjen nr. 13, Durrës brenda një mjeti tip ‘Audi’ është gjetur pa shenja jete shtetasi E. H., 39 vjeç, banues në Vlorë dhe i plagosur shtetasi G.C. 33 vjeç, banues në Vlorë, i cili ndodhet në Spitalin Rajonal Durrës nën kujdesin e mjekëve.
Grupi hetimor vijon punën për identifikimin dhe kapjen e autorëve si dhe sqarimin e rrethanave të ngjarjes.
© SYRI.net