Disa muaj më parë këngëtarja e njohur Dafina Zeqiri dhe ish-partneri i saj DJ Geek i dhanë fund romancës së tyre të dashurisë.

Zërat për ndarje filluan pasi dyshja nuk ndiqnin më njëri-tjetrin në rrjetet sociale.

Megjithatë asnjëri nga ata akoma nuk e kanë konfirmuar lajmin e ndarjes, ndërsa vazhduan të punojnë së bashku në projektet muzikore.

Mirëpo dyshja kanë vendosur që ti ndajnë rrugët jo vetëm në jetën e tyre personale por edhe në atë profesionale.

Lajmin e ka bërë të ditur vetë Geek përmes një postimi në InstaStory pas koncertit të tyre të fundit mbrëmjen e djeshme duke treguar kështu se tashmë ai do të punojë vetëm.

“Publik i dashur, ju faleminderit për këtë rrugëtim të paharrueshëm! Gjashtë vitet e fundit kanë qënë një eksperiencë shumë e vecantë për mua. Ky ishte show-i i fundit për mua në ekipin e Moneyz, kështu që falenderoj përzemërsisht secilin anëtar të ekipit dhe ju uroj çdo të mirë përjetësisht”.- ka shkruar Dj Geek.