Aktorja  enjohur Leila George, grujaja e regjisorit të famshëm Sean Penn pas një viti martesë ka paraqitur në gjykatë kërkesën për divorc.

Ende nuk dihet motivi që e ka çuar aktoren drejt një hapi të tillë, pasi së fundmi ajo është shfaqur në publik me unazën e martesës në gisht.

George dhe Penn, 61 vjeç, patën katër vite të lidhur para se të kurorëzonin me martesë dashurinë e tyre në korrik të vitit 2020. Sipas “The Sun”, disa ditë më vonë, Penn konfirmoi martesën e tyre në “Late Night with Seth Meyers”.

“Qarkullojnë fjalë se jeni martuar kohët e fundit, a është e vërtetë?”,- Meyers pyeti Penn në atë kohë, para se ky i fundit të ngrinte dorën, duke treguar unazën.

“Ne bëmë një martesë në periudhën e COVID. Me këtë dua të them se ne, së bashku me dy fëmijët e mi dhe me vëllain e saj, u ‘takuam’ në ‘Zoom’ me një komisar qarku, dhe e bëmë në këtë mënyrë martesën,“- tha Penn.

George është gruaja e tretë e Penn. Ai ka qenë i martuar me Madonna-n, nga viti 1985 deri në 1989-ën, dhe me Robin Wright nga viti 1996 deri në 2010-ën. Ai dhe Wright kanë bashkë dy fëmijë: vajzën Dylan, 30 vjeçe dhe djalin Hopper, 28 vjeç.

Aktori gjithashtu thuhet se ka pasur lidhje me Charlize Theron nga fundi i vitit 2013 deri në verën e vitit 2015.

Lajmi i divorcit të Penn vjen dy muaj pas publikimit të filmit të fundit, “Flag Day”, ku luan së bashku dy fëmijët e tij.