FOTO/ Afrikë e Jugut-Kanada, rezultati dhe statistikat e pjesës së parë

Ka përfunduar në barazim 0-0 pjesa e parë e sfidës mes Afrikës së Jugut dhe Kanadasë, ndeshja e parë e fazës së 1/32 së finales në Kupën e Botës 2026.

Kanadezët ishin skuadra më kërkuese gjatë 45 minutave të para, duke kontrolluar posedimin e topit dhe krijuar rastet më të mira për shënim.

Mundësia më e pastër erdhi në minutën e 44-t, kur Moise Bombito rrezikoi me kokë pas një goditjeje nga këndi, ndërsa në vazhdim Tajon Buchanan provoi nga afër, por portieri Ronwen Williams reagoi në mënyrë fantastike për të mbajtur portën të paprekur.

Edhe më herët, Williams kishte shpëtuar ekipin e tij me një tjetër pritje vendimtare ndaj Derek Cornelius, duke konfirmuar formën e shkëlqyer mes shtyllave.

Afrika e Jugut u përpoq të godiste kryesisht me kundërsulme dhe goditje nga distanca, por pa arritur të vendosë seriozisht në vështirësi portierin Maxime Crépeau.

Kanadaja e mbylli pjesën e parë me më shumë posedim dhe iniciativa në sulm, ndërsa mbrojtja e organizuar e afrikanëve dhe paraqitja e shkëlqyer e Ronwen Williams bënë që ekipet të shkojnë në pushim me rrjetat e paprekura.

Gjithçka mbetet e hapur për 45 minutat e dyta, ku një gol mund të vendosë fatin e skuadrës së parë çerekfinaliste të Botërorit 2026.