Brazili, në një përpjekje për të ndihmuar dhe shuar luftën në Haiti siguroi ushtarë në një mision paqeruajtës dhe më pas i bëri thirrje një prej aseteve të tij më të çmuara në atë kohë, Seleçaos.

Me regji të Karlos Alberto Parreira, ekipi brazilian ishte kampioni aktual i botës dhe kishte yje si Ronaldo dhe Ronaldinjo, apo Roberto Karlos.

CBF, si një mënyrë për të treguar mbështetje për Haitin, ra dakord të udhëtonte në “Port-au-Prince”, kryeqytetin e Haitit, dhe të luante një ndeshje miqësore që do të hynte në histori si “Loja e Paqes”.

Yjet e thirrur nga Parreira zbarkuan në Haiti disa orë para ndeshjes, por ata bënë të lumtur popullsinë lokale, duke parakaluar nga aeroporti në stadium me një automjet zyrtar të ushtrisë.

Brazili doli në fushë atë pasdite me Hulio Çesar, Beleti, Huan, Roke Junior dhe Roberto Karlos në mbrojtje, Gilberto Silva, Zhuninjo Pernambukano, Edu dhe Roxher në mesfushë dhe në fund Ronaldinjo dhe Ronaldo në sulm.

Kurioziteti është se fanella me numrin 10 shkoi për Roxher, atëherë një lojtar i Fluminense, ndërsa Ronaldinjo veshi numrin 7.

Dyshja është ajo që i mbajti brazilianët në fushë. Roxher shënoi dy gola, golat e tij të vetëm për kombëtaren, ndërsa Ronaldinjo shënoi një tripletë.

Një nga këto gola hyri në histori, kur mori një pasim nga Ronaldo, ylli i Barcelonës la pas të gjithë mbrojtjen haitiane, kaloi portierin dhe vrapoi për të kërcyer samba në vijën anësore.

Humbja e pësuar nuk i la poshtë haitianët. Përkundrazi, shikimi i skuadrës më fitimtare në histori ishte një privilegj që nuk u harrua kurrë nga ata që ishin në stadium ose rrugës për në aeroport.

Më shumë se 20 vjet më vonë, vendet luajnë duelin më të rëndësishëm në historinë e tyre, i cili tejkalon përplasjen në Copa America 2016, e cila përfundoi 7-1 për Brazilin.

Pasi humbi vetëm 1-0 ndaj Skocisë, Haiti përpiqet të befasojë dhe të bëjë pikën e tij të parë në historinë e Kupave.