Tre persona kanë vdekur dhe katër mbeten të zhdukur pasi stuhia Monica goditi Gard në juglindje të Francës.

Stuhia Monica ka bërë kërdinë në të gjithë Francën juglindore, ku tre persona janë konfirmuar të vdekur dhe disa të tjerë mbeten të zhdukur.

Tre persona u vranë teksa tentonin të kalonin urat në rajonin Gard. Dy u gjetën në një makinë në fshatin Goudargues në veri të Gard.

Mes të zhdukurve është një baba dhe dy fëmijët e tij të moshës 4 dhe 13 vjeç, të cilët u rrëmbyen nga ujërat në fshatin Dions. Një person i zhdukur raportohet se ka nënshtetësi belge.

Në fshatin fqinj Ardèche, një burrë është zhdukur gjithashtu që nga e shtuna në fshatin Saint Martin de Valamas.

Kryeministri Gabriel Attal postoi në X duke thënë: “Aktualisht kemi të paktën 7 persona të zhdukur, duke përfshirë dy fëmijë. Unë ndaj dhimbjen dhe shqetësimet e të dashurve të tyre. Kombi qëndron i bashkuar me ta. Forcat tona të emergjencës, të cilat i falënderoj sinqerisht, janë në kuvertë dhe janë mobilizuar. Po i ndjek nga afër zhvillimet”.

Më shumë se 300 zjarrfikës janë vendosur në rajon.

Tetë zona mbeten në alarm portokalli për përmbytjet (Ardèche, Bouches-du-Rhône, Charente-Maritime, Gard, Gironde, Pyrenées-Atlantiques, Var, Yonne) deri të hënën./ar.sh/SYRI.NET