Shkatërrimi në Rripin e Gazës pas bombardimeve izraelite që erdhi si një "përgjigje" ndaj sulmit të befasishëm të nisur nga Hamasi të shtunën e kaluar është i madh .

Pamjet me dron tregojnë shkallën e shkatërrimit në Gaza. 

Ndërtesat dhe njësitë e banimit janë shkatërruar, ndërsa Izraeli njofton se forcat e tij kanë sulmuar më shumë se 1000 objektiva.

@skynews #Israel intensified its #attacks in retaliation for a major surprise attack by #Hamas over the weekend.  The country's military forces said they hit more than 1,000 targets in the #GazaStrip. 🔗 Link in bio for morr @Sky News ♬ original sound - Sky News

@aljazeeraenglish Drone footage shows the extent of damage to #Gaza City after four days of Israeli bombardment. The #UN says more than 120,000 people have been internally displaced. #israel #palestine ♬ original sound - Al Jazeera English

Sipas të dhënave të fundit rreth 1,055 palestinezë u vranë - duke përfshirë fëmijë dhe gra - ndërsa 5,180 të tjerë u plagosën nga sulmet ajrore izraelite.

Perspektiva e tmerrshme e një ofensive tokësore e Izraelit në Gaza

Ndërkohë, ndër skenarët më të mundshëm të luftës midis Izraelit dhe Hamasit është një ofensivë nga Toka e Izraelit në Gaza. Një perspektivë e tmerrshme e një konflikti lufte në zemër të një qyteti jashtëzakonisht të dendur me popullsi , me një rrjet të gjerë nëntokësor tunelesh dhe praninë e pengjeve, kryesisht izraelitë.

Të hënën, Izraeli urdhëroi një ndërprerje të menjëhershme të të gjitha furnizimeve për Rripin e Gazës si pjesë e një "rrethimi total" të enklavës palestineze të kontrolluar nga Hamasi.

" Izraeli do të nisë një operacion të madh të përbashkët lufte nga ajri, toka, deti dhe hapësira" , siguron përmes Twitter (X), John Spencer, një ekspert i Institutit të Luftës Moderne të akademisë amerikane West Point.

"Shoqëria izraelite nuk do të falë kurrë"

Një problem tjetër do të rëndojë në operacionin tokësor: Hamasi ka marrë peng dhjetëra civilë, kryesisht izraelitë, por gjithashtu, sipas mediave izraelite, punëtorë të huaj dhe ndoshta ushtarë izraelitë.

“Nëse jetët e pengjeve nuk janë prioritet, shoqëria izraelite nuk do ta falë kurrë këtë. Presioni i opinionit publik është i madh dhe Netanyahu e di shumë mirë këtë”, thotë Sylvain Bühl, një sociolog në CNRS i specializuar në Izrael.

"Kur shoqëria izraelite të kërkojë llogari, do të jetë kjo: "Nuk na garantuat sigurinë, na ktheni pengjet", thotë ai.

Në fakt, Tel Avivi aktualisht nuk është në gjendje të negociojë, thekson Kobi Michael nga grupi i ekspertëve INSS në Tel Aviv. 

“Me gjithë këtë trishtim, gjithë këtë dhimbje, problemi i pengjeve nuk mund të jetë prioriteti i parë i Izraelit. Izraeli do t'i kthehet problemit të pengjeve vetëm kur Hamasi të mposhtet dhe të jetë në një pozicion dobësie. As një sekondë më parë” është shprehur Buhl.