Arkeologët në Serbi po ekzaminojnë mbetjet e asaj që ata thonë se është një anije lumore 13 metra e gjatë në vendin e kampit romak të njohur si Viminacium, kryeqyteti i provincës antike të Moesia Superior.

Nuk është hera e parë që minatorët e qymyrit gjejnë mbetje të lashta të jetës së mëparshme në vendin e ish-kampit dhe qytetit romak, i cili shtrihet 144 km  në juglindje të kryeqytetit serb Beograd.

“Këtu është shumë e vështirë të gjesh lëndë organike, veçanërisht kur nuk është në ujë, por ne patëm fatin që gjetëm enë të ruajtura në fushë, në një thellësi prej shtatë metrash”, shpjegoi Ilija Dankoviç, një arkeolog në kamp.

"Nuk është gjetur e tërë, është dëmtuar shumë, por druri është i mirë, druri është në gjendje të mirë. Duket shumë mirë", ka shtuar kolegia e tij Dragana Gavriloviq.

Ekspertët që kanë studiuar zonën prej vitesh kanë transferuar tashmë atë që ka mbetur nga anija në kampin arkeologjik, ku vazhdojnë kërkimet e mëtejshme.

“E zhvendosëm dhe e groposëm në rërë që druri të mos thahej”, shpjegoi Gavriloviç, “sepse druri është një nga materialet më delikate dhe nëse thahet do të copëtohet, kështu që në këtë mënyrë ne në fakt e ruajmë."

Për momentin, nuk dihet saktësisht se nga cila periudhë daton anija. Anije të ngjashme u gjetën tre vjet më parë dhe përvoja tregon se teknikat e ndërtimit të anijeve në rajon nuk kanë ndryshuar për shekuj.

Për këtë arsye, ekspertët thonë se anija mund të jetë e periudhës romake - apo edhe e shekullit të kaluar.

“Mostrat u dërguan javën e kaluar në laboratorin në Hungari, dhe pas disa muajsh presim të marrim rezultatet dhe më pas nuk do të ketë më dyshime”, tha Ilija Dankoviq.

Për të eksploruar më tej anijen, ekipi ka nevojë për kohë dhe para.

Arkeologët thonë se do të aplikojnë për financim nga Ministria e Kulturës në Serbi dhe vizitorët do të mund ta shohin atë vetëm kur të ndërtohet një muze për të gjitha anijet dhe varkat që janë gjetur në këtë pjesë të lumit Danub.