Rreth 40 persona, kryesisht nxënës janë vrarë në një shkollë në Ugandën perëndimore nga rebelët e lidhur me grupin e Shtetit Islamik (IS).

Mësohet se mes viktimave janë dhe djemtë që jetonin në konvikte. Sakaq bëhet e ditur se disa vajza të tjera janë rrëmbyer. Si pasojë e sulmit 8 persona të tjerë kanë mbetur në gjendje kritike.

Sulmi ndodhi rreth orës 23:30 (20:30 GMT) të premten në shkollën në distriktin Kasese në Ugandën perëndimore. Në shkollë shkollohen mbi 60 persona, shumica e të cilëve jetojnë atje.

Rreth pesë rebelë të dyshuar të ADF kryen sulmin, duke djegur ndërtesat e shkollave dhe plaçkitur dyqanin e ushqimit, tha ushtria ugande. Disa nga djemtë u dogjën ose u vranë me haker, tha gjeneralmajor Dick Olum nga ushtria.

Disa prej trupave thuhet se janë djegur keq dhe do të duhet të kryhen teste të ADN-së për t’i identifikuar.