Gjashtë persona, përfshirë dy oficerë policie kanë humbur jetën nga të shtënat me armë zjarri që janë regjistruar në Australi.

BBC raporton se policia mori një telefonatë dje nga qyteti i vogël Wyampilla, si pjesë e një hetimi për një person të zhdukur, i cili ishte në kërkim nga policia sepse ndaj tij rëndojnë akuza për vepra penale. Kur policët “shkua në vendngjarje, ata u sulmuan nga personat që po i bënin pritë”, tha presidenti i sindikatës së policisë së Queensland, Ian Livers.

''Dy policë u ekzekutuan në gjakftohtësi”, shtoi ai.

Dy viktimat, Matthew Arnold, 26 vjeç dhe Rachel McRaw, 29, sipas shtypit australian ishin ende herët në karrierën e tyre. Ata bënë “sakrificën përfundimtare për të garantuar sigurinë e komunitetit tonë”, tha shefja e policisë së Queensland, Katarina Carroll. Një banues i zonës, 58 vjeç, u godit gjithashtu nga një plumb dhe u shpall i vdekur “në vendngjarje” nga policia.

Pas goditjes së parë, në vendngjarje është dërguar një njësi speciale për ndërhyrje.

Pak pas orës 22:30 (me orën lokale), dy burra dhe një grua, të dyshuar për vrasjet kanë mbetur të vdekur, pasi janë qëlluar nga policia.

Motivi i masakrës mbetet i paqartë. Autorët janë ende në kërkim, tha policia në një konferencë për shtyp. Banorëve u është kërkuar të qëndrojnë brenda deri në një njoftim të dytë.

“Kryeministri australian Anthony Albanese tha se ishte një “ditë e rëndë për familjet dhe miqtë” e oficerëve të policisë së Queensland që humbën jetën në krye të detyrës