Shkrimtari i brezit të humbur Petro Marko u përkujtua në një aktivitet me figura të letrave shqipe e të afërm. Arianita Marko, e bija rrëfeu e emocionuar se në vitet e burgut, kur shkrimtari vuante dënimin, dashuria për Safon, të shoqen qe e vetmja arsye që e mbajti gjallë.
Syri Tv
Idealisti ëndërrimtar apo siç shpesh quhet shkrimtari i brezit të humbur Petro Marko është kujtuar nga figura të letrave shqipe e të afërm, më kuadër të vitit dedikuar jetës e veprës së tij.
Në një rrëfim emocionues e bija e shkrimtarit Arianita Marko rikthehet pas në kohë, kur i ati vuante pas dyerve të burgut, ndërsa e vetmja shkëndijë në përmbylljen e çdo dite të errët ishte dashuria e pafundme për Safon, bashkëshorten. E bija dha gjithashtu lajmin e botimit të dorëshkrimeve të mbetura të shkrimtarit.
I ndaluari, i palëvruari për vite me radhë, Petro Markon në sytë e studiuesit Behar Gjoka e varrosën, mirëpo nuk mundën të zhbënin vlerën estetike të librave, që la pas një prej të cilëve profesori e mban në duar.
Petro Markon e kujtoi edhe shkrimtarja Helena Kadare, që u shpreh e tronditur nga mendimet e atëhershme të njerëzve për autorin.
© SYRI.net