Artistët kanë nisur provat për Festivalin e këngës në RTSH. Mes tyre edhe këngëtarja Ronela Hajati, që do të vijë me këngën ‘Sekret’. Kënga ka shkrirje të melodisë popullore dhe moderne, ndërsa Hajati shprehet e emocionuar për të performuarin live.
Nga SYRI TV
Festivali i Këngës në RTSH ka nisur provat. 20 këngëtarë do të jenë në garë për të fituar kompeticionin e muzikës, i cili përfaqëson Shqipërinë në Eurosong. Mes tyre edhe këngëtarja Ronela Hajati, që do të vijë me këngën ‘Sekret’. Kënga është një miksim i melodive popullore dhe atyre moderne, ndërsa nuk do të mungojë edhe koreografia.
Prej 5 vitesh si back vocal në Festival, Margret Radovani vlerëson prurjet e këtij viti, ndërsa pohon e kënaqur se përgatitjet po shkojnë mrekullisht mirë.
Në 3 netë edicioni i 60 i Festivalit të Këngës pritet të sjellë mjaft surpriza, ndërsa në skenë do të ngjiten edhe artistë që kanë lënë gjurmë në historinë e Festivalit.
© SYRI.net