Saimir Tahiri i çuan si dy trafikantë që mburren se kush ka lidhje të forta politike, por policia italiane në përgjimet e bëra ka mbledhur fakte që flasin për para të bëra nga ish-ministri i Brendshëm nga trafiku i drogës.
Në një bisedë mes tyre, Moisi Habilaj dhe Sabaudin Çelaj flasin për shumën prej 5 milionë eurosh që ka bërë Saimir Tahiri brenda 1 muaji.
Hetuesit italianë bëjnë një përmbledhje të kësaj bisede.
“Të dy flasin për një person me pushtet me emrin “Saimir Tahiri” (deputet i Shqipërisë) njeri i politikës.
Moisiu thotë: Çfarë ka më shumë se ne ai?
Por Sabi (Sabaudini) i përgjigjet duke i thënë që Saimiri ka vetëm emrin (në kuptimin e famës, pozitës), por nuk beson që ka më shumë para se ata.
Moisiu bën llogaritë sipas të cilave Saimiri në një muaj ka bërë minimumi 5 milionë euro.
Sabi i thotë që të gjitha ato para ai i harxhon në fushatën elektorale.
Por Moisiu i thotë që atij nuk i mjaftojnë as 20 milionë në një fushatë elektorale”, thonë hetuesit italianë.
© SYRI.net