Tjetër rezultat zhgënjyes i Milanit në Serinë A, këtë herë përballë Genoas në “San Siro”. Skuadra e Piolit barazoi 3-3 para publikut të saj, duke shtyrë për javën e ardhshme sigurimin e vendit të dytë, që do ta kualifikonte për Superkupën e Italisë, që do të organizohet në janar të vitit të ardhshëm.
“Djalli”, edhe pse u ndëshkua i pari, ia doli që të përmbyste rezultatin dhe të kryesonte 3-2 deri pak para fundit, kur një autogol i Thiaë i prishi festën.
Për Genoan ishte një pikë prestigji, pasi nuk i vlen aspak për objektivat sezonale, pasi renditet në vendin e 12-të.
Gjatë hyrjes së skuadrave në fushë, lojtarët u përballën nga një atmosferë surreale në San Siro. “Curva Sud”, ku akomodohen grupet e tifozëve të organizuar kuqezinj, shfaqën një sërë pankartash që protestonin kundër klubit pas një sezoni zhgënjyer, që po mbyllet pa asnjë trofe:
“Një projekt fitues fillon nga klubi. Kohezioni, ambicia, aftësia, blerjet e synuara, prania institucionale, strategjia e komunikimit”.
© SYRI.net
Gjimshiti fiton derbin e shqiptarëve, Atalanta zyrtarisht në Champions
Bundesliga/ Verdiktet finale të këtij edicioni, Bayern e mbyll i 3-ti
Ballkani shkruan historinë, djemtë e Ilir Dajës shpallen kampionë për herë të tretëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
