Karateistja Behije Mustafa ka fituar medaljen e bronztë në Kampionatin Evropian, që po mbahet për kadetë, juniorë dhe U-21 në Tampere të Finlandës.
Deri tek medalja, garuesja jonë arriti pas katër fitoreve, në kategorinë e junioreve mbi 59 kg. Në luftën për të bronztën përmes repesazhit mundi Lara Zarei të Suedisë.
Paraqitje të mirë kishte edhe Rinesa Osmani që doli e shtata në kategorine e junioreve deri në 59 kg.
Rigon Baruti u rendit i nënti tek juniorët deri në 68 kg.
Ekipi i karatesë po paraqitet me 17 garues, ndërsa licenca evropiane morën edhe dy gjyqtarët, Edon Xharra dhe Astrit Ndrecaj.
© SYRI.net
Bëje LIKE dhe merr lajmin e fundit nga Sporti: