Kosova ka arritur fitoren e tretë radhazi, duke mundur Gjibraltarin me rezultat 19:98 (8:19, 3:23, 8:16, 0:40) në FIBA European Challenger, që po zhvillohet në Prishtinë.
Basketbollistët e rinj të Kosovës e nisën ndeshjen më mirë, duke fituar çerekun e parë me rezultat 8:19. Dardanët vazhduan me lojë të mirë edhe në periudhën e dytë, madje ishin dominues, duke lejuar skuadrën kundërshtare që për 10 minuta të shënojë vetëm tri pikë, kurse shënuan 23, duke shkuar në pushim me rezultat 11:42.
Kosova nuk u ndal as në periodën e tretë për të thelluar edhe më shumë epërsinë, ku ishin bindshëm më të mirë edhe në këtë pjesë 8:16, ndërsa rezultati në semafor pas 30 minutash ishte 19:58.
Në 10 minutat e fundit ishte një lojë agresive e Kosovës dhe me presion në tërë fushën, duke mos lejuar Gjibraltarin që të shënojë asnjë pikë, ndërsa shënuan 40, për rezultatin përfundimtar 19:98.
Te Kosova u dallua Jon Ismajli me 25 pikë, tetë kërcime dhe 10 asistime dhe 12 vjedhje të topit.
Kjo ishte fitorja e tretë radhazi për Kosovën, kurse Gjibraltari ka një fitore dhe dy humbje.
Ndeshja e fundit për sonte do të zhvillohet ndërmjet Luksemburgut dhe Maltës.
© SYRI.net
Jo vetëm xhaketa në ajër, Masimiliano Alegri ikën me 12 trofe të fituar
Kongresi i 74-t i FIFA-s, Brazilit i besohet organizimi i Botërorit të femrave
Gjysmëfinalja e 'Final Four'/ Mbyllet në barazim pjesa e parë e sfidës Partizani-SkënderbeuBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
