Evropiani i këtij viti solli mjaft risi dhe sfida interesante. Ajo që do spikasë ditën e sotme është ndeshja Angli –Gjermani, e cila do të luhet në stadiumin “Wembley” në orën 18:00. Një përballje titanësh, nga e cila pritet një lojë e fortë, por dhe e bukur.
Anglia me synime të qarta për fitore, përballë një Gjermanie të pamposhtur dhe ambicioze për trofe.
Finalja e Kupës së Botës 1966 duket se ishte një “ogur i zi” për skuadrën angleze, kjo pasi pas fitores me Gjermaninë , “Tre Luanët” pësuan vetëm humbje në përballjet direkte dhe nuk kanë ngritur më asnjë trofe.
E kundërta ndodh për Gjermaninë, e cila numëron fitore të njëpasnjëshme. Përballë Anglisë, skuadra gjermane ka fituar dy herë në Kupën e Botës” dhe një herë në “Kampionatin Evropian”.
Favorite në këtë duel duket se janë “Tre Luanët”, por asgjë nuk është e parashikueshme përballë Gjermanisë.
Më poshtë kemi tabelën e përballjeve në turnet e mëdha të dy skuadrave
Angli-Gjermani në turne të mëdha
• Finalja e Kupës së Botës 1966: Angli-Gjermani 4-2
• Kupa e Botës 1970 kualifikuese: Gjermani-Angli 3-2
• Kampionati Evropian 1972 kualifikuese, ndeshja e parë: Anglia-Gjermani 1-3
• Kampionati Evropian 1972 kualifikuese, ndeshja e dytë: Gjermani-Angli 0-0 (Gjermania fiton 3-1 në total)
• Faza e grupeve të Kupës së Botës 1982: Angli-Gjermani 0-0
• Kupa e Botës 1990 gjysmëfinale: Gjermani-Angli 1-1 (Gjermania fiton 4-3 në penallti)
• Kampionati Evropian 1996 gjysmëfinale: Angli-Gjermani 1-1 (Gjermania fiton 6-5 me penallti)
• Kampionati Evropian Faza e grupeve 2000: Anglia- Gjermani 1-0
• Raundi i 16-të i Kupës së Botës 2010: Gjermani-Angli 4-1
© SYRI.net
Bëje LIKE dhe merr lajmin e fundit nga Sporti: