Real Madridi vazhdon të bëjë vlerësimet e duhura për të gjetur pasuesin e Zinedine Zidane, i larguar nga “Los Blancos” në përfundim të sezonit.
Sipas informacioneve që vijnë nga Spanja, në listën e preferencave të presidentit Florentino Perez nuk është as Antonio Conte, as Raul Gonzalez Blanco.
Për momentin, favoritë, sipas “Marca”-s, janë Pochettino dhe Gautier, pas tyre Roberto Martinez, aktualisht në krye të Belgjikës.
Por kujdes, së fundmi ka dalë në skenë emri i Carlo Ancelottit. Sipas “Cadena Ser”, Florentino Perez po studion gjithashtu mundësinë për kthimin në skuadrën e kryeqytetit spanjoll trajnerin e njohur italian, tashmë në krye të Evertonit, me të cilin thuhet se ka nisur kontaktet.
Conte, në momentin kur shpalli “divorcin” me Interin, u konsiderua favoriti numër një për stolin “merengues”, por kërkesat e tij të ekzagjeruara sa i përket përforcimeve që duheshin bërë si dhe stili i tij i lojës, larg filozofisë së Realit, e detyruan Florentino Perezin të ndryshojë kurs.
Presidenti i klubit mbretëror nuk dëshiron të rrezikojë me një trajner që është fanatik i skemave të tij dhe që mund të shkaktojë përplasje në dhomat e zhveshjes.
Këto janë dy arsyet kryesore që e kanë shtyrë Realin të heqë dorë nga trajneri puljez, duke iu kthyer pistës “Ancelotti”. Carletto e njeh shumë mirë ambientin e Realit, pasi i ka drejtuar “Los Blancos” në periudhën 2013-2015 dhe mbahet mend si njeriu i “La Decimas”, Championsit të 10-të.
© SYRI.net
Ramadani, për DAZN: Rrezikova të vdisja, më trajtuan si fëmija i presidentit
Rrëfimi i Arbnor Mujës: 'Divorci' me Antwerp ishte befasi, më mungon skuadra
Copa America 2024/ FIFA pranon kërkesën e CONMEBOL, vjen ndryshimi si në 'Euro 2024'Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
