Nëse disa muaj më parë Manchester City kërkonte Romelu Lukakun, duke marrë megjithatë si përgjigje një “jo” nga sulmuesi, prej pak kohësh Interin po e tremb edhe Chelsea.
I freskët nga fitorja e Ligës së Kampioneve, trajneri i bluve, Thomas Tuchel, po mendon që tani për sezonin e ardhshëm.
Dhe po e bën me stil, me shumë emra në listë. Së pari, ai i Erling Halandit, sulmuesit të Borusias së Dortmundit që i pëlqen gjysmës së Europës.
Megjithatë, ndodhet edhe emri i Lukakut, i cili prej pak kohësh festoi titullin e parë me fanellën e Interit.
Sipas tabloidëve britanikë, klubi londinez është gati të ofrojë një çek prej 103 milionë eurosh. Para që do të ndihmonin arkat e “Suning”-ut, por që do t’u hiqnin zikaltërve udhëheqësin, i aftë të shënojë deri tani 61 gola në 92 ndeshje me fanellën e Interit.
Ndër të tjera do të ishte një rikthim, pasi pikërisht te Chelsea nisi karriera në Premier Ligë e belgut.
Në Londër zbarkoi në vitin 2011 pas transferimit nga Anderlehti, për të luajtur më pas me West Bromwich Albion, Evertonin dhe Manchester United.
U largua nga Anglia për t’u transferuar në Itali në verën e vitit 2019 dhe arriti një vend të dytë, një finale të Ligës së Europës dhe një titull kampion të Serisë A me Interin.
© SYRI.net
Ramadani, për DAZN: Rrezikova të vdisja, më trajtuan si fëmija i presidentit
Rrëfimi i Arbnor Mujës: 'Divorci' me Antwerp ishte befasi, më mungon skuadra
Copa America 2024/ FIFA pranon kërkesën e CONMEBOL, vjen ndryshimi si në 'Euro 2024'Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
