Sulmuesi Sergio Aguero është i lumtur që sezonin e ardhshëm do të veshë fanellën e Barcelonës.
Argjentinasi zyrtarisht u bë lojtar i Barcelonës, pasi i skadoi kontrata me Manchester Cityn, duke u larguar me parametra zero. Aguero e sheh transferimin si ëndërr e fëmijërisë e bërë realitet, ndërsa nuk hezitoi fare për tu bërë pjesë e ekipit katalanas.
“Jam shumë i lumtur, do bëjë më të mirën për klubin më të mirë, t’i ndihmojë skuadrës të fitojë trofe”.
“Për mua, Barcelona gjithmonë ka qenë skuadra më e mirë në botë dhe Leo është aty. I thashë presidentit Laporta më herët se si djalë kam thënë: ‘Një ditë ata me siguri do më shohin’. Dhe tani jam këtu. Nuk e imagjinoja”.
“Kur Barcelona më kërkoi, nuk hezitova aspak. I thashë agjentit se nuk dua të flet me asnjë skuadër tjetër, vetëm Barcelonën”, tregon Aguero.
Aguero nënshkroi kontratë 2-vjeçare, kurse klauzola e lirimit është 100 milionë euro.
© SYRI.net
Bëje LIKE dhe merr lajmin e fundit nga Sporti: