Gazetarja Aranita Brahaj ka publikuar raportin e ‘Open Data Albania’ për 10 institucionet buxhetore që kanë kryer më shumë pagesa për vitin 2023. Në krye të listës qëndron Bashkia e Tiranës e drejtuar nga Erion Veliaj, e cila ka kryer 5 911 transaksione në vlerë totale 20.4 miliard lekë.
Një prej kompanive që ka përfituar më shumë vitin që kaloi nga Bashkia e Tiranës është dhe kompania ‘Integrated Energy B.V. S.P.V.’, e cila ka marrë mbi 829 milionë lekë.
‘Integrated Energy B.V. S.P.V.’ është kompania e inceneratorit fantazëm në Landfillin e Sharrës që menaxhon mbetjet. Më 1 tetor ajo u sekuestrua nga SPAK, teksa sipas hetimeve rezultoi se Klodian Zoto dhe Mirel Mërtiri ishin pronarët faktik të saj.
Ndërkohë, Posta Shqiptare ka marrë 4.5 miliard lekë nga Bashkia e Tiranës, ndërsa pas saj renditet dhe kompania ‘Fusha sh.p.k.’, e cila ka marrë 1.3 miliard lekë, vetëm gjatë vitit 2023.
Kompanitë e tjera, të cilave Bashkia e Tiranës u ka dhënë shuma të mëdha parash gjatë vitit 2023 janë dhe ‘Eco Tirana’, Erzeni, Shoqëria Koncesionare Z.M.A., Ante Group, Rafin Company, Alko Impex Construction, Pepa Group.
Bashkia Tiranë rezulton institucioni buxhetor që ka kryer më shumë pagesa për 2023. Bashkia e Tiranës ka kryer 5 911 transaksione në vlerë totale 20.4 miliard lekë, kryesisht për kategori shpenzimi sipërmarrje punimesh, pagesa paaftësie dhe materiale e shërbime operative. Përmes Posta Shqiptare Bashkia ka kryer pagesa në formë granti dhe ndihme individuale sipas programeve të mbrojtjes sociale në vlerën 4.5 miliard lekë. Ne vend të dytë si përfitues i transaksioneve të bashkisë është kompania Fusha me rreth 1.3 miliard lekë transaksione të përfituara nga Bashkia e Tiranës. Shoqëria Koncesionare Integrated Energy BV SPV, me Ndërtimin e Landfillit, Inceneratorit në vend depozitimet ekzistuese Tiranë është klienti i tretë në renditje sipas vlerave të paguara nga Bashkia, me 829 milion lekë për vitin 2023.
Në vend të dytë si Institucione Buxhetor pozicionohet Ministria e Infrastrukturës dhe Energjisë, e cila ka regjistruar 725 transaksione për vitin 2023 me vlerë totale 19.2 miliard lekë. Tre shoqëritë kryesore përfituese janë: Shoqëria e Thjeshtë Intekar – Asl me 8.3 miliard lekë, Korporata Elektroenergjetike Shqiptare Kesh-i me 5 miliard dhe kompania PPP Gjoka 87, 2.8 miliard lekë. Ministria në fjalë është institucioni me portofol më të lartë investimesh publike për vitin 2023.
I treti, Autoriteti Rrugor Shqiptar ka kryer 17.9 miliard lekë transaksione përmes Thesarit të Shtetit 2023. Gjikuria, 4 A-M dhe Selami janë tre klientët të kryesor 2023 të ARRSH-së të cilët kanë përfituar transaksione në vlerë përkatësisht 2.25, 2.04 dhe 1.23 miliard lekë.
Vijon renditjen Fondi Shqiptar i Zhvillimit, me 12.34 miliard lekë transaksione për vitin 2023. Transfertat në vlerë më të lartë FShZh-ja i kryen për llogari të vet institucionit. Furnitori kryesor rezulton Fusha shpk, i cili ka përfituar për vitin 2023 rreth 806.7 milion lekë nga FShZh, ndjekur nga Ante-Group (706.6 milion lekë).
ë vend të pestë, Agjencia Kombëtare e Shoqërisë së Informacionit, e cila ka kryer për vitin 2023 transaksione në vlerën 10.04 miliard lekë. Infosoft Systems ka përfituar nga Akshi pagesa në vlerë gati 2.4 miliard lekë. Furnitori i dytë më i paguar rezulton Advance Business Solutions – ABS me 767.5 milion lekë, ndjekur nga Microsoft Albania me 703.6 milion lekë të përfituara.
Institucioni i 6-të, Qendra Spitalore Universitare ‘Nene Tereza’ ka kryer 3 204 transaksione me vlerë totale 8.05 miliard lekë. Klienti kryesor i QSUNT-së rezulton kompania Koncesionare PPP Laboratory Networks rreth 848.6 milion lekë, ndjekur nga O. ES. Distrimed dhe Megapharma, përkatësisht përfituese për 502.5 dhe 482.5 milion lekë transaksione.
Reparti Ushtarak Nr. 1001 Tiranë, renditet institucioni i 7-të për vlerë transaksionesh Thesari i Shtetit 2023. Reparti në fjalë ka shpenzuar 7.13 miliard lekë, kryesisht për rritjen të aktive të qëndrueshme dhe paga. Klienti kryesor rezulton Military System Supply Company (MSSC), i cili ka përfituar për vitin 2023 gati 2.3 miliard lekë.
Në vend të tetë renditet Agjencia e Zhvillimit Bujqësor dhe Rural, me 1 241 transaksione nëpërmjet Thesari të Shtetit 2023. Institucioni ka shpenzuar në total për vitin 2023 rreth 6.04 miliard lekë, kryesisht për blerje karburanti dhe rimbursim karburant për fermerët. Kastrati është furnizuesi kryesor i cili ka përfituar gati 2.2 miliard lekë nga AZHBR-ja.
Pozicionohet në vijim Bashkia Durrës, institucion i cili ka kryer transaksione në vlerë totale rreth 5.23 miliard lekë. Përmes subjetit Posta Shqiptare sh.a bashkia e Durrësit ka kryer rreth 995 milion lekë transferta. Vijojnë listën si subjekte me vlerë përfituese të transfertave 2 T dhe Inerti, përfitues për pagesa në vlerën përkatësisht 433 dhe 305 milion lekë.
Bashkia Kamzë është institucioni që mbyll listën e dhjetë institucioneve buxhetore me më shumë transferta nga Thesari i Shtetit për vitin 2023. Bashkia Kamzë ka kryer transaksione në vlerë totale rreth 4.7 miliard lekë, nga të cilat rreth 737 milion lekë janë transferta të kryera përmes Posta Shqiptare sh.a. Udha dhe S i r e t a 2F janë dy kompanitë që kanë përfituar më shumë pagesa me vlerë përkatësisht 244 dhe 202 milion lekë.
Këtu nuk janë renditur transaksione për Disbursim Tatim mbi Vlerën e Shtuar, P.sh. Drejtoria e Përgjithshme e Tatimeve ka kryer për vitin 2023 rreth 25.2 miliard lekë transferta përmes Thesarit të Shtetit 2023, prej të cilave gati 94% janë për rimbursim Tvsh-je, apo 23.6 miliard lekë. Sikurse Fondi i Sigurimit të Detyrueshëm të Kujdesit Shëndetësor, i cili kryen 13.13 miliard lekë transferta për llogari të vet FSDKSH-së, ISSH ka kryer 103 transaksione me vlerë totale 41.45 miliard lekë po për llogari të ISSH-së, apo ISSh Tiranë, i cili ka kryer 5.28 miliard lekë transferta për llogari të ISSH.
Krahas këtyre, për vitin 2023 evidentohen mbi 148 miliard lekë transferta të kryera në favor të Ministrisë së Financave, Institutit të Sigurimeve Shoqërore dhe Fondit të Sigurimit të Detyrueshëm të Kujdesit Shëndetësor me burim të shënuar si ‘Unspecified’. Nga ana tjetër Shërbimi i Borxhit ka transferuar 26.24 miliard lekë si pagesa për interesa obligacione për llogari të Bankës së Shqipërisë.
© SYRI.net
Berisha: Ligji për surrogacinë i hap rrugë sterilizimit të adoleshentëve. Kjo lidhet me mafian që nesër ti ketë klientë në klinikat e surrogacisë
Berisha: Ky brigant voton ligjin që këto prona të privatizohen nga ai së pari vetë me Alabarin, nga Olsi Rama me Gaz Demin dhe trafikantë e drogmenë
Berisha: Java që kaloi, ishte një javë e zezë. Edi Rama, vendosi të vjedhë pronën publike me vendime qeveritare
Denonco
Merrni lajmet më të fundit nga SYRI.net në çdo moment dhe kudo që të jeni!
