“Ekzekutim për së dyti”. Kështu e ka cilësuar ish-kryeministri Sali Berisha qëndrimin e qeverisë për të refuzuar rezolutën për dënimin e gjenocidit serb në Srebrenicë.
Berisha deklaroi se ky akt i Edi Ramës dëshmon qartë se Tirana po kthehet në një Beograd të vogël. Ai u shpreh se interesat çnjerëzore të Beogradit janë përparësi e qeverisë së socialistëve.
“Refuzimi nga qeveria aktuale pseudomaxhoranca aktuale për të denoncuar gjenocidin serb në Kosovë është akt makabër anti-kombëtar. Është përdhosje. Ekzekutim për së dyti i mbi 10 mijë fëmijëve, grave dhe burrave të cilët u masakruan në suazën e operacionit Patkoi.
Që kishte për qëllim dhunën masive, masakrat dhe përzënien masive të shqiptarëve nga Kosova. Ky akt i Edi Ramës dëshmon qartë se Tirana nuk është gjë tjetër përveçse një Beograd i vogël. Interesat çnjerëzore të Beogradit janë preference dhe përparësia e qeverisë e Tiranës. Kjo situatë po shkon drejt një drame të vërtetë.
Nuk ka patriot shqiptar. Nuk ka qytetar të vërtetë shqiptar që mund të pranojë rreshtimin e Tiranës me Beogradin në qëndrim ndaj gjenocidit serb në Kosovë. Një qëndrim të tillë mbajti Edi Rama dhe tre javë më parë për dënimin e gjenocidit serb në Srebrenicë”, dekalaroi Berisha.
Ai tha se ka besim se shqiptarët do i japin përgjigjen e merituar qeverisë duke premtuar se PD do të angazhohet për t’i dhënë përgjigjen e merituar. “Kemi të bëjmë me një qeveri anti shqiptare që qeveris vendin për interesa të Beogradit, kjo e padurueshme e patolerueshme.
Kam besim se shqiptarët do i japin përgjigjen më të merituar në një kohë të ardhshme dhe PD do angazhohet, do i kërkojë të angazhimet në një debat me qytetarët për ti dhënë përgjigjen më të merituar”, u shpreh Berisha.
© SYRI.net
Kukës/ Konstatohen dy ndërtime pa leje, procedohen penalisht 4 persona
Dita Botërore e Mjekut të Familjes, Shehu: Janë themeli i sistemit shëndetësor, në Shqipëri mungon vlerësimi
VIDEO/ Berisha: Për pronat e Olsit dhe klaneve të tij mafioze në bregdet, Rama çoi administratën për miting në Athinë
Denonco
Merrni lajmet më të fundit nga SYRI.net në çdo moment dhe kudo që të jeni!
