Shpallet në kërkim Ardian Kola ish-drejtor i Kadastrës dhe Kryetar i Partisë Socialiste të Sarandës. Së bashku me Ardian Kolën, janë shpallur në kërkim dhe biznesmenët Bedri e Behar Muçobega, të cilët dyshohet se kanë përfituar 10 hektarë tokë duke falsifikuar dokumentat. Një ditë më parë, u arrestuan gjashtë persona, përfshirë zyrtarë të urbanistikës në bashkinë e Sarandës, juristen e Kadastrës si dhe një noter në qytetin bregdetar.
SYRI TV
Detaje të reja dalin në dritë nga operacioni i një dite më parë në Sarandë, ku u vunë në pranga 6 zyrtarë të Kadastrës dhe Bashkisë, për tjetërsimin e 10 hektarëve tokë. Në kërkim është shpallur dhe Ardian Kola ish-drejtor i Kadastrës dhe Kryetar i Partisë Socialiste të Sarandës. Kola dyshohet se gjatë kohës që ka qenë drejtues i Kadastrës në qytetin bregdetar, ka falsifikuar dokumentat e pronësisë të tokës që është tjetërsuar më pas nga dy biznesmenë.
Së bashku me Ardian Kolën, janë shpallur në kërkim dhe biznesmenët Bedri e Behar Muçobega, të cilët dyshohet se kanë përfituar pronën nëpërmjet falsifikimit të dokumentave. Këta dy shtetas, sipas burimeve nga prokuroria dhe policia, dyshohets e kanë falsifikuar dokumentet e pronës.
Një ditë më parë, prokuroria e Sarandës lëshoi 9 urdhër arreste, 6 prej të cilëve u ekzekutuan. Në pranga u vendos drejtori i urbanistikës në bashkinë e Sarandës, Pandi Zhonga, Rovena Alikaj, që mbante detyrën e juristes së kadastrës në Sarandë.
Në pranga u vu noteri Aleko Anagnosti, i cili duket se ka noterizuar dokumentet e falsifikuara.
Policia arrestoi dhe Fredi Merkurin, punonjës i bashkisë së Sarandës, i cili ishte njëkohësisht dhe përfitues nga pronat e tjetërsuara. Në pranga ranë dhe dy sipërmarrës, Valter Llomi dhe Arhondia Caraj.
Të gjithë të arrestuarit dhe të shpallurit në kërkim, dyshohet se në bashkëpunim me njëri-tjetrin duke shpërdoruar detyrën dhe falsifikuar dokumentat, kanë tjetërsuar sipërfaqe të konsiderueshme trualli në qytetin bregdetar të Sarandës.
TE ARRESTUAR
1. Pandi Zhonga 40-vjec, Drejtor i Urbanisitikes ne Bashki
2. Rovena Alikaj, 33-vjec, juriste ne ASHK
3. Aleko Anagnosti 54-vjec, noter
4. Fredi Merkuri 61-vjec, punonjes ne Bashki (perfitues trualli)
5. Arhondia Caraj, 57-vjec, tregetare
6. Valter Llomi 54-vjec, tregetar
NE KERKIM
Ardian Kola (ish-Drejtor i ASHK)
Bedri Mucobega (biznesmen)
Behar Mucobega (biznesmen)
© SYRI.net
Kukës/ Konstatohen dy ndërtime pa leje, procedohen penalisht 4 persona
Dita Botërore e Mjekut të Familjes, Shehu: Janë themeli i sistemit shëndetësor, në Shqipëri mungon vlerësimi
VIDEO/ Berisha: Për pronat e Olsit dhe klaneve të tij mafioze në bregdet, Rama çoi administratën për miting në Athinë
Denonco
Merrni lajmet më të fundit nga SYRI.net në çdo moment dhe kudo që të jeni!
