Nga Elkier Bushkolaj
“Pasiguria” në punë çdo vit shënon 30 deri në 40 viktima në Shqipëri, kryesisht në sektorë si ndërtimi apo minierat, e pavarësisht kësaj Inspektoriati Shtetëror i Punës nuk ka një plan masash për të luftuar këtë fenomen apo ndëshkuar përgjegjësit.
33 vjeçari, Arjan Salaj, është viktima e radhës për shkak të mungesës së sigurisë teknike në vendin e punës, teksa ai duke sakrifikuar jetën e tij, shpëtoi kolegët dhe disa punonjës të tjerë që zjarri i kapi mat në magazinat e “Caza Italia” pasditen e 23 marsit.
Temperatura në magazinë shkoi deri në 900 gradë Celcius, ndërkohë sipas ekspertizës paraprake, shkak I rënies zjarrit është bërë një shkëndije elektrike në kabullin e një llampe neoni, që ka rënë më pas në kontakt me disa rroba sintetike.
Magazinat e “Caza Italia” nuk kishin sistem qendror hidrant, por vetëm një hidrant të jashtëm që rezultoi jo efiçent, ndërkohë magazinat nuk kishin as dalje dytësore, e pikërisht për këto shkelje duhet të ndiqen penalisht pronarët e magazinës, por edhe zyrtarët e ISHPSHSH që kanë bërë inspektime.
Kryeministri, Edi Rama, përpara se të shkonte t’i akordonte dekoratën e “Dëshmorit të Atdheut” familjes së Arjan Salajt, duhet të ishte interesuar për fondet që kalon qeveria e tij për zjarrfikëset, a ka pasur a abuzime me tenderat dhe a janë të pajisur zjarrfikësit shqiptar me pajisje moderne për t’u përballur me raste të tilla.
Kur kryeministri nisej me avion nga Stambolli i Turqisë me pajën e vaksinave kineze e me ndalesë fillestare Aeroportin “Nëne Tereza” dhe më pas në Sheshin “Skëndërbej”, punonjësit e zjarrfikëses prej 48 orësh luftonin për të vënë nën kontroll flakët në një magazinë, brenda së cilës shkrumbohej trupi i pajetë i një heroi.
Zjarrfikësit me ato pak mjete që kishim bënë të pamundur si për shuarjen e flakëve dhe për gjetjen e trupit, por u vu re qartë se nuk kishin pajisje moderne për këtë betejë.
Pamjet e transmetuara në televizion na kujtuan çastet e para pas të tërmetit tragjik të 26 nëntorit, kur zjarrfikësit ishin të parët që mbërritën në godinat e rrënuara, e përveç kokores, kishin në duar vetëm kazma, lopata dhe një zorrë të vjetër të lidhur me makinat zjarrfikëse, kryesisht prodhim i viteve 1990-1998.
Mesa duket nuk kemi nxjerrë mësime nga pasojat fatale të tërmetit shkatërrimtar të 26 nëntorit 2019, pasi ndryshe tragjedia e, Arjan Salajt, edhe mund të ishte evituar.
Çdo vit nga paratë e buxhetit harxhohen miliona euro për arredime luksoze zyrash, ndërkohë uniformave të zjarrfikësve u ka dalë boja dhe paga e tyre është më e ulëta në raport me kolegët e rajonit dhe vendeve të BE.
Firmosen çdo ditë dhjetëra tendera ku drejtorët, ministrat e prefektët porosisnin makina luksoze, kryesisht prodhim i vitit 2020, ndërkohë në rrugët e vendit na zë syri edhe zjarrfikëse të modelit “Skoda”, që janë në terren prej të paktën 30 vitesh.
Nëse do kishim investuar për kamera trupi dhe pajisje moderne për zjarrfikësit aq sa kemi investuar për studiot e ERTV apo sponsorizimet në facebook, ndoshta jetën e, Arjan Salajt, nuk do e kishim shpëtuar, por trupin e pajetë të këtij djali fisnik nuk do e kishim lënë 4 ditë në mbretërinë e zjarrit.
© SYRI.net
Berisha: Ligji për surrogacinë i hap rrugë sterilizimit të adoleshentëve. Kjo lidhet me mafian që nesër ti ketë klientë në klinikat e surrogacisë
Berisha: Ky brigant voton ligjin që këto prona të privatizohen nga ai së pari vetë me Alabarin, nga Olsi Rama me Gaz Demin dhe trafikantë e drogmenë
Berisha: Java që kaloi, ishte një javë e zezë. Edi Rama, vendosi të vjedhë pronën publike me vendime qeveritare
Denonco
Merrni lajmet më të fundit nga SYRI.net në çdo moment dhe kudo që të jeni!
