Gramoz Ruçi aktualisht Nr. 2 i shtetit shqiptar në postin e kryetarit të Kuvendit, me rastin e 30-vjetorit të rivendosjes së marrëdhënieve diplomatike midis ShBA dhe Shqipërisë, i ka dërguar një letër Kryetares së Dhomës së Përfaqësuesve të ShBA, Nancy Pelosi.
Në këtë letër falënderohen, SHBA, për ndihmën e tyre vendimtare që nga koha e presidentit Wodroow Wilson, i cili ndali copëtimin e Shqipërisë, për demokratizimin e vendit gjatë këtyre 30 viteve, kontributin për çlirimin dhe pavarësinë e Kosovës, etj…por nuk shkruhet asnjë fjalë për rolin e këtij aleati të madh në luftën ndaj komunizmit dhe diktaturës së Enver Hoxhës.
Kujtojmë se Gramoz Ruçi mund të konsiderohet, si “dinosauri” i fundit i epokës së komunizmit në Europë, i cili ende vazhdon që të mbajë një post teje të lartë në një vend anëtar të NATO dhe në prag të hapjes së negociatave me Bashkimin Euopian.
Në kulmet e karrierës së tij komuniste, ai ka qenë Sekretar i Parë i Komitetit të Partisë së Rrethit Tepelenë, kandidat i Komitetit Qendror të Partisë së Punës dhe në grahmat e fundit të regjimit, kohë kur vriteshin njerëz në kufij dhe shtypeshin demonstratat për demokraci, ministër i Brendshëm i Ramiz Alisë.
Ndaj është e kuptueshme pse, Gramoz Ruçi, nuk shkruan dot asnjë fjali në letrën drejtuar Palosit, për kontributin me të gjitha format që ka dhënë SHBA që në periudhën e Luftës së Dytë Botërore e deri në fillim të viteve 90-të, kundër komunizmit shqiptarë.
Letra e plotë e Gramoz Ruçit
E nderuara Kryetare Pelosi,
15 marsi i vitit 1991, dita e rivendosjes së marrëdhënieve diplomatike midis Shteteve të Bashkuara dhe Shqipërisë, është për Shqipërinë dhe shqiptarët kudo në botë një ditë e madhe historikedhe një shans i madh për të ardhmen tonë.
Me rastin e 30-vjetorit kësaj ngjarjeje të shënuar, dëshiroj t’Ju shpreh mirënjohjen e thellë timen dhe të Kuvendit të Shqipërisë, Ju, Dhomës së Përfaqësuesve, Kongresit dhe Presidentit Biden, për mbështetjen e fuqishme dhe të vazhdueshme për zhvillimin, demokratizimin dhe integrimin euro-atlantik të Shqipërisë.
Rivendosja e marrëdhënieve diplomatike me Shtetet e Bashkuara të Amerikës, demokracinë më të madhe dhe më të fuqishme të të gjitha kohërave, është për Shqipërinë një arritje dhe një stimul i fuqishëm drejt zhvillimit, mirëqenies, demokracisë, sundimit të ligjit dhe respektimit të të drejtave të njeriut, si edhe rritjes së kontributit për sigurinë dhe paqen në rajon e më gjerë.
Shqiptarët, sa herë që kanë qenë të lirë të vendosin për fatet e tyre, i kanë bashkuar ato me kauzat e mëdha të Shteteve të Bashkuara të Amerikës, si mbrojtësi dhe garanti më i fuqishëm i lirisë, stabilitetit dhe paqes për të gjithë vendet dhe të gjithë popujt e botës.
Miqësia shqiptaro-amerikane ka një histori të gjatë. Shtetet e Bashkuara mirëpritën e mbështetën emigrantët shqiptarë prej fillimit të shekullit të kaluar dhe prej kësaj mbështetjeje Diaspora shqiptare në Amerikë u fuqizua, kontriboui dhe po vazhdon edhe sot e kësaj dite të mbështesë zhvillimin, mirëqenien, demokratizimin dhe integrimin e Shqipërisë.
Ishte Presidenti projektin për Wodroow Wilson që ndali copëtimin e Shqipërisë, në vitet e para të Shqipërisë së pavarur. Aleanca, partneriteti, miqësia dhe besnikëria me Shtetet e Bashkuara të Amerikës, jo vetëm na ka mbrojtur, por edhe ka shumëfishuar ritmet, zhvillimin dhe rolin e kontributin e Shqipërisë në marrëdhëniet ndërkombëtare, përkundrejt kufizimeve të natyrshme të një vendi të vogël.
Këtë mbështetje ne e ndjemë edhe gjatë tridhjetë viteve të fundit, kur Shqipëria, iu bashkua valës së tretë të proceseve demokratizuese globale për ta shndërruar demokracinë nga një ideal në një realitet, nën lidershipin e pagabueshëm të Shteteve të Bashkuara.
Këtë mbështetje e ndjemë edhe kur Shtetet e Bashkuara udhëhoqën luftën për çlirimin e Kosovës dhe ndërtimin e shtetit më të ri në Europë, Republikës së Kosovës.
Mbështetja e Shteteve të Bashkuara është edhe sot frymëzimi dhe siguria më e madhe e thellimit të reformave të mëdha në zhvillimin e vendit, rindërtimin e sistemit të drejtësisë, qeverisjen e mirë, luftën kundër korrupsionit dhe përshpejtimin e proceseve integruese, si anëtare e NATO-s dhe drejt negociatave të anëtarësimit në Bashkimin Europian.
Gjatë këtyre tridhjetë vjetëve, Kuvendi i Shqipërisë ka qenë interpret i aspiratave të shqiptarëve, i dashurisë, miqësisë dhe bashkëpunimit me Shtetet e Bashkuara të Amerikës, aleatin dhe mikun më të madh të shqiptarëve në të gjitha kohërat. Këtë mision Kuvendi i Shqipërisë do të vazhdojë të kryejë edhe në vitet e dekadat që vijnë.
Shpreh bindjen se bashkëpunimi midis Kuvendit të Shqipërisë dhe Dhomës së Përfaqësuesve do të rritet e zgjerohet në vitet që vijnë.
© SYRI.net
Vizita në Prokurorinë e Tiranës/ Meta: Thelbi i ‘Ramformës’ për të kapur të gjithë sistemin e drejtësisë
VIDEO/ Berisha: Shpresa e vetme e Shqipërisë është kalimi në fazën e re të betejës çdo ditë, çdo natë, gjer në fitoren përfundimtare
Berisha: Skrapi i partisë ka në dosje dy shkresa të saj për Erion Veliajn, por vepron si mercenar
Denonco
Merrni lajmet më të fundit nga SYRI.net në çdo moment dhe kudo që të jeni!
