Nënkryetari i Partisë Demokratike, Oerd Bylykbashi duke folur në takimin me simpatizantët në Durrës ka kërkuar që të lirohet nga masa e arrestit kreu i PD-së, Sali Berisha dhe të rikthehet vula aty ku e ka vendin.
Pjesë nga fjala e Oerd Bylykbashit:
Dega e Partisë Demokratike në Durrës është dega më e madhe në Shqipëri, ka treguar se di të fitojë dhe që është në avangardën e PD-së.
Në fundin e shtator 2021, në këtë sallë u bashkuan demokratët dhe në sytë e tyre, pashë ndjesinë e bashkimit. Që nga ajo ditë kemi nisur rrugën e bashkimit të PD-së dhe kthimit tek parimet e saj.
Kjo e sotmja është një etapë e rëndësishme përgjatë këtyre dy vite e gjysëm e më tepër që në rrugëtim jemi përpjekur përditë që ndërkohë që bëjmë beteja politike të bashkohemi.
Ajo që ka një rëndësi themelore përtej çdo lloj ndasie është bashkimi i demokratëve në bazë, që ky vend të bëhet më i mirë. Unë kam bindjen e thellë që vota është në themeltë bashkimit të çdo demokratik.
Sepse vota është ajo që bën bashkë çdo ide ndryshe në një kuti. E kjo na bën ne demokratëve ndryshe nga PS-ja.
Kemi dhe një qëllim tjetër, rrëzimin e regjimit të Ramës, që nuk është thjeshtë i korruptuar, por është sistem grabitqar. Kanë ngritur një sistem vjedhje ditën për diell, grabitës me ligj.
Kjo është një kauzë e rëndësishme për të gjithë ne demokratëve. Na zien gjaku ne demokratëve, por edhe qytetarëve sepse të gjithë po i vuajnë në kurriz këto padrejtësi.
Sot PD-ja e ka liderin e saj, Sali Berishën të burgosur politik, në një arrest të paligjshëm, antikushtetues, vendim i marrë vetëm me qëllimin që liderin e opozitës ta shkëpusë nga mundësia që të ju drejtojë ju. Por kjo është e pamundur.
Është e pamundur për Edi Ramën, që të shkëpusë Sali Berishën nga demokratët dhe demokratët nga Sali Berisha.
Ne e dimë shumë mirë se si mbahet peng në kaq kohë vula e PD-së. Mund të ishte shumë e thjeshtë të bëhej një vulë tjetër, një parti tjetër. Ishte një opsion.
Por të gjithë ne e dimë se sa mund, përpjekje, sakrifica, por dhe gjak është në themelet e kësaj partie që është e para që solli demokracinë, pluralizmin në një shtet që ishte totalisht diktaturë e cila nuk lejonte kundërshtimin.
Mbajtja peng e kësaj vule është një vepër kriminale e Edi Ramës duke përdorur një gjyqësor të kapur politikisht që është totalisht nën kontrollin e Ramës.
Ka dy thirrje imperative: Lironi Sali Berishën, çlironi Partinë Demokratike.
TAKIMI I PLOTE:
© SYRI.net
Meta paralajmëron përshkallëzim të aksionit opozitar: Nuk ka rrugë tjetër, përballja me të keqen s’do të ndalet
Organizata shqiptare e kokainës në Europë, mediat: Kanë tentuar të vrasin një person në Shqipëri
E rëndë në Gjirokastër/ Raportohet për përdh*nimin e një vajze të mitur
Denonco
Merrni lajmet më të fundit nga SYRI.net në çdo moment dhe kudo që të jeni!
