Rama urdhëron policinë të ushtrojë dhunë dhe arrestime ndaj qytetarëve paqësorë në rrugët e Tiranës

Qytetarë të shumtë janë mbledhur sot në protestë përpara Kuvendit të Shqipërisë, ku do zhvillohet seanca e radhës parlamentare.

Që në orët e para të grumbullimit, situata është tensionuar, ndërsa forca të shumta policie kanë ndërhyrë ndaj protestuesve në mënyrë të dhunshme. Sipas pamjeve nga vendngjarja, efektivët kanë nisur shoqërimin e qytetarëve nëpër rrugët për rreth Parlamentit, ndërsa janë regjistruar edhe përplasje fizike mes protestuesve dhe policisë.

Protestuesit pretendojnë se ndërhyrja e policisë është bërë pa asnjë shkak dhe se ndaj tyre është ushtruar dhunë, pavarësisht se protesta ishte paqësore.

Mes personave të shoqëruar për disa momente nga efektivët e Policisë së Shtetit ishte edhe aktivisti i njohur Dritan Goxhaj.

Ndërkohë, protesta vijon përpara Parlamentit, ndërsa qytetarët kërkojnë dorëheqjen e kryeministrit Edi Rama dhe mbajtjen e zgjedhjeve të lira.

© SYRI.net

Lexo edhe:

• Konjufca: Nuk kam synime për postin e presidentit, duhet kompromis ndërmjet partive
• Aktakuzë për keqpërdorim të pozitës zyrtare e mashtrim në prokurim publik
• Gazeta spanjolle: Shqiptarët kërkojnë dorëheqjen e Ramës, 62-vjeçari bën veshin e shurdhër dhe sfidon BE-në