HIV është një infeksion që mund të parandalohet. Diagnostikimi i hershëm dhe trajtimi në kohë mundësojnë një jetë të gjatë dhe cilësore. Informohu, testohu dhe mbro veten dhe të tjerët. Bashkë kundër stigmës dhe diskriminimit.
Instituti Kombëtar i Shëndetësisë Publike të Kosovës ka publikuar një poster informues për ndërgjegjësimin mbi HIV/AIDS, duke bërë thirrje për informim, testim dhe mbrojtje nga infeksioni.
Sipas të dhënave të paraqitura, në periudhën 1 janar – 17 korrik 2026, në Kosovë janë regjistruar 21 raste të reja me HIV dhe 2 vdekje të lidhura me këtë sëmundje.
IKSHPK sqaron se HIV është virusi që dobëson sistemin imunitar, ndërsa AIDS është faza e avancuar e infeksionit me HIV. Instituti thekson se, me trajtim të hershëm, HIV mund të mbahet nën kontroll dhe personat e infektuar mund të jetojnë jetë të shëndetshme.
Në materialin informues përmenden edhe mënyrat kryesore të transmetimit të virusit:
-marrëdhëniet seksuale të pambrojtura;
-kontakti me gjak të infektuar;
-transmetimi nga nëna te fëmija gjatë shtatzënisë, lindjes ose ushqyerjes me gji.
Njëkohësisht, IKSHPK thekson se HIV nuk transmetohet përmes:
-kontaktit të përditshëm;
-përdorimit të përbashkët të enëve;
-përqafimeve dhe shoqërimit;
-pickimit të mushkonjave.
Instituti u bën thirrje qytetarëve të testohen, duke nënvizuar se testimi është i thjeshtë, i shpejtë dhe konfidencial, ndërsa testimi i hershëm shpëton jetë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Fluks i madh nëpër kufij: Mërgimtarët po presin deri në 1 orë
S’ndalen aksidentet me fatalitet, për 7 muaj mbi 50 të vdekur në rrugët e Kosovës
Prokuroria kërkon paraburgim për shtetasin serb të dyshuar për trafikim të armëve