Në Sllavonski Brod të Kroacisë është zbuluar pllaka përkujtimore në nderim të dhjetë viktimave të aksidentit tragjik rrugor të 25 korrikut 2021, ku humbën jetën 10 qytetarë të Kosovës.
Ceremonia u organizua nën përkujdesjen e Ambasadës së Republikës së Kosovës në Kroaci, ndërsa morën pjesë përfaqësues të institucioneve të Kosovës dhe Kroacisë, familjarë të viktimave dhe qytetarë të shumtë.
E pranishme në ceremoninë përkujtimore ishte edhe finalistja e “Big Brother VIP Kosova”, Elijona Binakaj, e cila u pa e përlotur gjatë zbulimit të pllakës përkujtimore. Ajo në aksidentin tragjik të vitit 2021 kishte humbur nënën dhe motrën e saj.
Aksidenti i 25 korrikut 2021 në Sllavonski Brod ishte një nga tragjeditë më të rënda që preku qytetarët e Kosovës në Kroaci. Në të humbën jetën dhjetë persona, ndërsa dhjetëra të tjerë u lënduan.
Në fund të ceremonisë, autoritetet kroate përcollën mesazh solidariteti për familjet e viktimave, duke theksuar se pllaka do të mbetet një kujtim i përhershëm për jetët e humbura.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
E rëndë: Ky është burri që u vra aksidentalisht nga djali në Bjeshkët e Strellcit
Katër vjet pas largimit të prokurorëve serbë, Kosova përgatit konkurs të ri
Aterime të rrezikshme dhe borxhe milionëshe ndaj udhëtarëve- Me çka po përballet kompania partnere e Air Prishtina?