Vdekje e dyshimtë në Mitrovicë: 25-vjeçari gjendet i pajetë në banesë

Një 25-vjeçar është gjetur pa shenja jete mëngjesin e së dielës në një banesë në Mitrovicë.

Lajmin e ka konfirmuar për Klankosova.tv, zëdhënësi i Policisë për rajonin e Mitrovicës, Avni Zahiti, i cili bëri të ditur se në vendin e ngjarjes kanë dalë njësitë policore dhe ekipi mjekësor, ku është konstatuar vdekja e të riut.

Sipas policisë, rasti është cilësuar si “vdekje e dyshimtë”.

“Me urdhër të prokurorit, pas ndërmarrjes së veprimeve të nevojshme hetimore, trupi i pajetë është dërguar në Institutin e Mjekësisë Ligjore (IML) për obduksion”, tha Zahiti.

© SYRI.net

Lexo edhe:

• Parlamenti Evropian: Serbia duhet t’i normalizojë marrëdhëniet me Kosovën
• Operacion në Dubravë: Parandalohet futja e drogës dhe telefonave në burg
• “Stoli ari e para”, hajnat bëjnë “qyl” një banesë në Mitrovicën e Veriut