Kryetari i Aleancës për Ardhmërinë e Kosovës (AAK), Ardian Gjini, ka refuzuar ftesën e kryetarit të Lëvizjes Vetëvendosje, Albin Kurti, për një takim lidhur me formimin e institucioneve të reja të vendit.
Gjini ka bërë të ditur se qëndrimi i Aleancës mbetet ai i prezantuar publikisht më 26 qershor, duke e konsideruar ofertën e partisë së tij si të qartë dhe parimore.
“Për hir të transparencës ndaj qytetarëve, po e ndaj me ju përgjigjen zyrtare të Aleancës që sapo i është nisur Kryetarit të Lëvizjes Vetëvendosje, z. Albin Kurti. Qëndrimi ynë mbetet ai i datës 26 qershor, i qartë, parimor dhe tërësisht publik”, ka shkruar Gjini.
Në përgjigjen zyrtare drejtuar Kurtit, Aleanca ka rikujtuar ofertën e saj për mbështetjen e themelimit të institucioneve të reja, duke theksuar se është e gatshme të ndihmojë në krijimin e kuorumit për zgjedhjen e presidentit, me kusht që të pranohen gjashtë pikat e propozuara nga kjo parti.
“Më datën 26 qershor 2026, kam prezantuar publikisht ofertën tonë për mbështetjen e themelimit të institucioneve të reja të Kosovës”, thuhet në përgjigjen e AAK-së.
Sipas Aleancës, kjo ofertë synon përparimin e zhvillimit ekonomik të Kosovës, forcimin e pozitës ndërkombëtare të vendit dhe shmangien e një cikli të ri zgjedhor.
“Duke e pasur parasysh qëndrimin tonë të qartë dhe parimor, nuk e shohim të nevojshëm takimin”, thuhet më tej në përgjigjen e Aleancës.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
LIVE/ Dita e 40 e protestave anti-qeveritare , kërkohet dorëheqja e kryeministrit Rama
U ndalua në kufi nga policia, deputeti Qoku: Kam mbështetur protestën, po na trajtojnë si armiq të Shqipërisë
Marrëveshja me Danimarkën, ShKK: Transferimi i të burgosurve pritet të përfundojë sot