1 vit burg/ Kryebashkiaku i Ramës në Rrogozhinë drejt qelisë/Audiopërgjimi i Syri tv denoncoi skandalin e Memollës

Kryebashkiaku socialist i Rrogozhinës Edison Memolla u dënua me 1 vit burg si dhe i hiqet e drejta për të ushtruar funksione publike për një periudhë 5 (pesë) vjeçare.

Pas rreth një viti zvarritjeje vendimi u dha sot nga Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Florjan Kalaja (kryesues), Daniela Shirka (anëtare) dhe Igerta Hysi (anëtare). Apeli i GJKO-së la në fuqi vendimin e 24 janarit të vitit 2025 të Gjykatës së Posaçme.

Vendim është përfundimtar dhe Prokurori Edvin Kondili pritet të trokasë në derën e Memollës për të ekzekutuar vendimin, çka do të thotë ta çojë në burg për të vuajtur dënimin.

Lexo edhe: Korrupsion në zgjedhje/ 1 vit burg për Kryebashkiakun PS të Rrogozhinës, Edison Memolla. Pritet ekzekutimi i vendimit të Apelit të GJKKO-së

Dy ditë para se të mbaheshin zgjedhjet e pjesshme të 6 marsit 2022  SYRI TV denoncoi me audio skandalin, ku kryetari i komanduar i Bashkisë së Rrogozhinës, njëherësh kandidat i Partisë Socialiste në ato zgjedhje,  Edison Memolla ndërhynte te OSHEE për të mos i ndërprerë energjinë elektrike një familjeje të varfër.

Audiopergjimi 

Në bisedën telefonike me zonjën e shtëpisë, Memolla konfirmon se ishte takuar më herët me telefonuesen, të cilës i kishte garantuar mos-ndërprerjen e energjisë, në këmbim të votës për zgjedhjet e 6 marsit. E më pas në telefon del elektricisti që kishte shkuar për ndërprerjen e energjisë, të cilit Memolla i kërkonte që të mos ia ndërpresë energjinë sa t’i marrin votat, e për të justifikuar veprimin, ai vetë do t’i paguante faturën e një muaji. Madje Memolla e orientonte elektricistin që pasi të kalojnë zgjedhjet mund të vepronin.

Lexo edhe:Një tjetër kryebashkiak socialist në SPAK/ SYRI TV publikoi përgjimin e blerjes së votave në Rrogozhinë

Por jo vetëm kaq.

Kandidati i Partisë Socialiste për Rrogozhinën Edison Memolla, i thotë elektricistit, me të cilin kishte njohje të mëparshme se do të fliste me Edin e më pas të flisnin edhe më lart, në mënyrë që këtë periudhë, sa të kalonin zgjedhjet, të mos bënin ndërprerje, por aksionin ta nisnin pas 6 marsit, kur qytetarëve t’u kishin marrë votën.

Biseda telefonike:

Kryetari: Alo!

Zonja: Alo!

Kryetari: Përshëndetje…

Zonja: Përshëndetje…

Kryetari: Si jeni?

Zonja: Mirë, po ti?

Kryetari: Më fal se nuk më del numri…

Zonja: E di që nuk del numri… nuk e ke numrin tim ti, prandaj nuk të del…

Kryetari: Po më thuaj?!

Zonja: Unë jam goca e …

Kryetari: Çfarë halli kishe?

Zonja: Të thashë unë ty atë ditë për dritat, se më kanë ardhur për të më prerë dritat

Kryetari: Eee… t’i prenë?! I thashë unë atij çunit…

Zonja: Jo, ai çuni është aty përjashta… Unë s’kam mundësi të paguaj…

Kryetari: Po a është aty ai çuni? Foli të dali njëherë në telefon…

Zonja: O Land, ku iku ai çuni?! Na çoje një çikë telefonin, t’i foli atij xhaxhi kryetari. Prit një sekondë se ka shkuar atje te shtylla (zonja shkon çon telefonin tek elektricisti).

Një djalë: O xhaxhi, na foli pak xhaxhi kryetarit…

Elektricisti: Kujt kryetar?

Djali: Të Rrogozhinës, po kush….

Elektricisti: Alo.

Kryetari: Alo.

Elektricisti: Urdhëro…

Kryetari: Çfarë bën, qysh je? Edi jam…

Elektricisti: Oo Rimi jam o Rimi…

Kryetari: O Rim, ça bën o, a do ia prisni, po lene të kalojë këtë muaj o burrë…

Elektricisti: Po e kaloj këtë muajin, po muajin tjetër?!

Kryetari: Po muajin tjetër, shohim e bëjmë… Shif t’i matrim ato, ça kemi me i marrë, se jemi në zgjedhje…

Elektricisti Rimi: E di, e di, po ça të bëjmë ne…

Kryetari: Po hajde se ia jap unë një muaj, sa lek ka…

Elektricist Rimi: Po ajo ka pesë muaj, sikur ka një muaj ajo…

Kryetari: Po paguaj një unë, pastaj të tjerat sa t`ia shtysh në qoftë se ke ndonjë problem aty…

Elektricisti Rimi: Problem e kemi ne se na kanë heqë nga dy javë të punës…

Kryetari: Pse, pse s`keni pre eee…

Elektricisti Rimi: Po…

Kryetari: Hajde se do diskutojmë një çikë me Edin, lëre sot, se do flas çik me Edin unë….

Elektricisti Rimi: Mirë..

Kryetari: Apo e ke raportuar ti?

Elektricisti Rimi: Për sot e kam lënë vetë unë e nja dy-tre ditë..

Kryetari: E mirë, të flas me Edin unë, të flasi me ato të mëdhenjtë që të mos ju bezdisin…

Elektricisti Rimi: Mirë po iki…

Kryetari: Hajde…

Kujtojmë se disa kohë më parë, Partia Demokratike kishte kallëzuar në Prokurorinë e Posaçme kreun e  Bashkisë Rrogozhinë, Edison Memolla, për akuzën e shit-blerjes së votave.

Lexo edhe: Publikohet përgjimi se si kandidati i PS, Edison Memolla po blen votat në Rrogozhinë!

© SYRI.net

Lexo edhe:

• IHMK: Java nis me reshje e stuhi lokale, nga e enjtja rikthehen temperaturat deri në 33 gradë
• Prokuroria Speciale paralajmëron ngritjen e aktakuzës për sulmin ndaj familjes Jashari
• LIVE/ Dita e 22-të e protestës qytetare në Tiranë, kërkohet dorëheqja e kryeministrit Edi Rama