Lëvizja Vetëvendosje ka reaguar pas përfshirjes së Forcës së Sigurisë së Kosovës (FSK) në operacionin e kërkimit në Liqenin e Ujmanit, ku një mërgimtar dyshohet se humbi jetën pasi u hodh nga ura të dielën.
Përmes një postimi në Facebook, kjo parti e ka quajtur dërgimin e FSK-së në Ujman si “zbarkimi i parë i ushtrisë në veri të vendit”, duke e shoqëruar edhe me fjalimin e ministrit në detyrë të Mbrojtjes, Ejup Maqedonci.
FSK-ja është angazhuar që nga mëngjesi i së martës për të ndihmuar në gjetjen e trupit të 33-vjeçarit, pas dy ditësh kërkimi pa sukses nga Policia, njësitë e zhytësve dhe ekipet e Shoqatës së Kërkim-Shpëtimit.
Bazuar në marrëveshjen e vitit 2013 ndërmjet Qeverisë së Kosovës dhe NATO-s, FSK-ja mund të veprojë në veri vetëm me lejen e KFOR-it.
Kërkimet në liqen po vazhdojnë edhe sot, ndërsa trupi i mërgimtarit ende nuk është gjetur.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
KEDS gjobitet me 25 mijë euro për dallavere me njëhsorët
Kosovari që vdiq në Lezhë dyshohet se humbi kontrollin e veturës për shkak të përgjumjes
Dita Memoriale e Komunitetit Egjiptian, Kurti: Pjesë e pandarë e historisë sonë