Nesër mbahet konferencë për ecurinë e çështjes në rastin e ish-krerëve të UÇK-së

18:41, 18/02/2025

Në Dhomat e Specializuara të Kosovës (DhSK) në Hagë pritet që të mbahet nesër konferencë për ecurinë e çështjes në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Seanca pritet të fillojë nga ora 09:00 me 45 minuta vonesa në transmetim ashtu siç ndodhë zakonisht.

Ndryshe, sot në Hagë ka përfunduar dëshminë dëshmitari i 122-të i cili mban kodin W04491 në këtë proces gjyqësor dhe ky ishte dëshmitari i fundit për këtë javë.

Lexo edhe:
Si shpërndanë mediat ruse përmbajtje manipuluese para zgjedhjeve në Kosovë?
Refuzohen mbi 2 mijë pako me fletëvotime nga diaspora, këto janë arsyet
Votat për deputetë, numërohen rreth 78% e vendvotimeve – Elezi flet për procedurat deri në shpalljen e rezultateve përfundimtare

Veç kësaj në një pjesë të seancës, mbrojtja e Thaçit e përfaqësuar nga avokati, Luka Mishetiq kërkoi që të konfirmohet që dëshmitari nuk po komunikon me askënd gjatë pushimit madje as me ndonjë këshilltar.

Kryegjyqtari tha se do të informohen dhe do të përditësohet mbrojtja e Thaçit lidhur me këtë çështje.

Ndërsa, prokurori James Pace tha se këshilltari që merrej me dëshmitarin është kthyer të premten në shtëpinë e tij.

“Këshilltari në fjalë është kthyer të premten në shtëpinë e tij të paktën me sa kemi ne dijeni”, tha Pace.

© SYRI.net

Lexo edhe:

• 'Rama jepe dorëheqjen'/ Sot protesta e 25-të, qytetarët thirrje për mobilizim më të madh para Kryeministrisë
• KEDS gjobitet me 25 mijë euro për dallavere me njëhsorët
• Kosovari që vdiq në Lezhë dyshohet se humbi kontrollin e veturës për shkak të përgjumjes